LEGAZPI CITY — Karsel an bagsak kan sarong lalaki makalihis maarestar sa ipigkondusir na operasyon kan mga otoridad sa Barangay Mabini, banwaan kan Donsol, Sorsogon.
Nabisto an suspek na si Elizaldy Meson, 48-anyos asin residente kan nasambitan na lugar.
Enot kaini, ikinasa an operasyon kan pinagsarong pwersa kan Donsol Municipal Police asin Ciminal Investigation and Detection Group Sorsogon sa bisa kan mandamiento de aresto na ipinaluwas ni Hon. Judge Bernad Jimenez.
Nahahampang an suspek sa kasong pagbayolar sa Section 5 kan Republic Act 7610 o Anti-Child Abuse Law asin panlulugos na warang pigrerekomendar na piyansa.
Napag-araman na si Meson man an pang anom sa most wanted persons sa banwaan kan Donsol.
Mientras tanto, nagtetenir ngunyan an suspetsado sa kustodiya kan Donsol PNP para sa magkakanigong disposisyon.
