LEGAZPI CITY-Piglinaw kan Armed Forces of the Philippines (AFP) na an pagdeploy kan mga Marines sa Senado parte sana kan saindang standard security operations asin warang koneksyon sa nakalihis na mga pangyayari.
Segun sa tagapagtaram kan AFP na si Col. Francel Margareth Padilla, regular na pigdedeploy an mga tropa ngani magtao nin perimeter security sa manlaen-laen na institusyon bilang parte kan haloy nang protocols.
Igwa man suboot nin mga personahes na nakadestino sa mga pangenot na edipisyo kan gobyerno arog kan Palasyo nin Malacañang asin pati na an Rizal Monument.
Isinagibo kan opisyal an pahayag makalihis an kahapotan na suboot may koneksyon sa an deployment sa posibleng pagarestar ki Senador Ronald “Bato” dela Rosa katakod kan kaso kaini sa International Criminal Court (ICC).
Pigduon man kan ahensya na para sana sa perimeter security an papel kan mga Marines, kaya dae sinda naglalaog sa edipisyo kan Senado o sa Palasyo.
Alagad, an pagdeploy pwedisir suboot na magbago pa, depende sa sitwasyon enkaso apudan an saindang asistensya.
