Dinepensaran kan Malacañang an pigigibong paglilinig asin paghahali sa nagkapirang mga kaharungan sa mga lugar kun sain harani sa gigibuhon na ASEAN Summit.
Segun sa Palasyo na pigigibo ini ngani na masierto an seguridad huli ta maabot sa nacion an nasa 20 heads of state.
Kaibanan digdi an clearing operations sa palibot kan Baclaran Church kun sain pinagbawalan an mga vendors sa lugar antes an 49th ASEAN Summit puon Nobyembre 15 hasta 18.
Pignegaran man ni Palace Press Officer Claire Castro na nagsasagibo sana nin “whitewashed” an Manila huli sa mga clearing operations.
Dugang pa kaini na sarong dakulang bagay na dapat na masierto kan mga bisita na salbado sinda.
Marurumduman na kan Nobyembre 2 nagpuon na an Paranaque City Government sa pagbabawal sa mga paratienda, asin siniertong makakatabang man nin t abang an mga apektadong vendors.
