LEGAZPI CITY-Ipighayag kan nagkapirang mga eksperto na dapat an panhaloyan na estratehiya sa gasolina asin kuryente kan Association of Southeast Asian Nations, dapat magtutok sa pagparikas kan transisyon sa renewable energy.
An mga pangapudan kasunod kan paglansar kan manlaen-laen na pakikipagtabangan sa seguridad sa enerhiya sa ika-49 ASEAN Summit.
Kabale digdi an sarong propwesto sa pagtipon nin langis na suportado kan Japan na pig-anunsyo ni Prime Minister Sanae Takaichi sa Asia Zero Emission Community Summit kan Martes, Nobyembre 17.
An alok na ini, magamit nin “idle oil tanks” kan Japan asin matugot sa mga nacion na nagpartisipar, na gamiton an ekstrang storage capacity ngani masierto an suplay nin langis antes an global supply shocks.
Mientras tanto, an Pilipinas, Indonesia, Malaysia, asin Singapore, nagkaoroyon na magpartisipar sa inisyatiba, siring man an United Arab Emirates na nagpahiling man nin interes.
An Economic Research Institute for ASEAN and East Asia asin Indonesian Business Council, nagpirma man nin mga kasuratan nin intensyon sa mga kompanya nin enerhiya mag-explore nin “emergency oil access”para sa Pilipinas sa paagi kan mga eksistidong storage facilities sa Indonesia asin Thailand.










