LEGAZPI CITY – Totally damaged an sarong harong sa Purok 1, Bariada, Barangay Gogon, Legazpi City makalihis masulo kasubagong aga, aldaw nin Sabado, Nobyembre 21.

Segun ki Bureau of Fire Protection (BFP) Legazpi Spokesperson SFO2 Norman Andes, sa intrevista kan Bombo Radyo Legazpi, nakaresibe sinda nin apod hali sa sarong concerned citizen bandang alas 6:44 nin aga.

Posible suboot kandila ang pinagpoonan kan kasulo huli ta kandila sana an ginagamit na ilaw kan mga residente dara kan kawaran nin suplay nin kuryente sa saindang harong.

Segun sa paenot impormasyon, naghali an 89-anyos na lola na tagsadiri kan harong bandang alas-kuwatro nin maagahon tanganing magsimba, mantang nawalat man sa harong an saiyang aking lalaki.

Kan pagmata kan aki, dakula an kalayo kaya dai na ninda naisalbar an harong.

Pigkakarkulong nasa P13,500 an danyos na iwinalat kan kasulo.

Wara man nin nairehistrong nairido o nagadan sa insidente.

Alagad piglinaw kan BFP na dae pa nakukumpirmar an kawsa kan kasulo, huli ta nagpapadagos pa an saindang imbestigasyon asin pagtipon nin mga evidencia.