LEGAZPI CITY-Kinuwestyon kan sarong grupo nin mga paraooma an dakulang importasyon nin bagas ngonian na taong 2026 kan Planters Products, Inc. (PPI) mantang saro ining farmers company.

Segun kay Federation of Free Farmers Leonardo Montemayor, sa intrevista kan Bombo Radyo Legazpi na an PPI an pinakadakulang importer nin bagas, poon kan Oktubre 29, 2026 kun sain labi sa 300, 000 metric tons o katumbas nin 12 Bilyon nin bagas.

Nakapagtataka suboot na dakulang volume an pig-import, mantang sinda an panduwa sa land department sa nacion.

Dae man suboot nin pahayag digdi an Bureau of Plant Industry (BPI) manungod sa bulto-bultong importasyon nin bagas.

Kasabay kaini, depensa man kan pribadong kumpanya na wara suboot nin pakiaram an Department of Agriculture (DA) sa saindang management.

Nangyari an pag-oolay na na ini kan PPI asin iba pang grupo nin mga paraooma durante kan senate committee hearing kan Biyernes, Nobyembre 20, na pinangenotan ni Senate Committee on Agriculture, Food and Agrarian Reform Chairperson, Senator Kiko Pangilinan.

Pinag-olayan digdi an importasyon nin bagas asin mga argricultural smuggling sa nacion.

An PPI, saro suboot na pribadong kumpanya asin bako katuwang kan gobierno sa anumang mga lakdang kaini.