Niyugo nin 6.8 magnitude na linog an sentral na parte kan Peru, susog sa German Research Center – Geosciences.

Namatian an linog sa kabisera kan Lima asin sa Andean region kan Junin sa rarom na 129 kilometros.

Huli kaini, an mga residentes kan Lima nag-ebakwar sa saindang mga harong.

An Junin an lugar kan nagkapirang mining operations, kaiba an Toromocho mine na pagsasadiri kan Chinalco, saro sa pinakadarakulang copper mines sa Peru.

An Peru an ikatolong pinakadakulang producer nin copper sa bilog na kinaban.

Sa ibong kan kusog kan linog, wara man nin nairehistrong nalugadan o danyos sa lugar.