LEGAZPI CITY-Ibubusol kan Department of Agriculture (DA) an pagbabalik kan 40% na taripa sa mga pig-aangkat na karneng urig asin magpapaotob nin duwang bulan na import holiday.
Ini bilang tugon sa nahahampang kan mga local hog raisers sa sunod-sunod na pagbaba kan presyo sa farmgate, kasabay kan mga protesta sa luwas kan saindang tanggapan.
Pigsierto kaini na naghihiro an ahensya ngani protehiran an lokal na industriya laban sa bako patas na kompetisyon poon sa mga imported na produkto.
Segun ki Secretary Francisco Tiu Laurel Jr. na bako makatarungang pasanon kan mga lokal na prodyuser an padagos na pagkalugi huli sa hababang presyo kan saindang ataman na urig.
Mantang obheto man kan mandatong ini na tawan nin pagkakataon an mga lokal na prodyuser na makabangon, piglinaw man kan ahensya na bako pa ini tuluyang naipapaotob huli ta nangangaipohan ini nin mabusising proseso asin aksyon sa iba pang lado kan gobierno arog kan Tariff Commission.
