Posibleng maabot sa labi duwang taon o higit pa ang paglilitis kan International Criminal Court (ICC) ki dating Presidente Rodrigo Duterte.
An nasabing trial an nakatalaang magpuon sa Nobyembre 30, labi 20 bulan puon kan naarestar an dating presidente digdi sa Pilipinas.
Segun ki ICC-accredited lawyer, Atty. Gilbert Andres, pwedesir pang mas mapaikli o mas mapalaba an trial depende sa dalagan kan mga pagdangog asin sa rikas kan paglalahad o pagpapahampang sa mga testigo asin sa mga inihandang ebidensiya kan magkabilang panig.
Si Atty. Andres an saro sa sa mga common legal representative kan mga biktima kan drug war kan nakalihis na administrasyon, asin segun saiya importante an nagin desisyon kan international tribunal na obligaron an dating presidente na maghampang mismo sa paglilitis.
Piglalaoman man kan pirang kaparientes kan mga biktima ang personal na susubaybay as mga serye kan pagdangog na gigibohon sa The Hague, ang headquarters kan ICC.
Segun ki Atty. Andres, saro sana an klase nin international crime na kinakahampang kan dating presidente kaya mas simple ang kasong ini kumpara sa iba pang mga kasong nakaputan na dati kan international tribunal.
Mientrastanto, kasabay kan pagpupuon kan trial sa Nobiyembre 30, piglalaomang tulos na babasahan nin confirmed charges asin hahagadan nin plea ang dating presidente.
Susundan ini nin opening statements ng prosecution, legal representatives kan mga biktima ng drug war, asin kan defense team kan dating presidente.
Masunod digdi an paghahampang kan prosecution sa saindang enot na limang testigo puon Nov. 30 hanggang Dec. 18, 2026.
