
LEGAZPI CITY – Pinag-iingat kan sarong environmental group an mga magurang sa pagbakal nin mga kawatan para sa mga aki ngonyan na harani na an Kapaskuhan huli sa posibilidad na igwang mga produkto na dai nagsusunod sa safety standards.
Segun ki Thony Dizon, campaigner kan BAN Toxics, sa intrevista kan Bombo Radyo Legazpi, dakol sindang namonitor na kawatan, partikular an mga sikat na squishy toys, na ipinapabakal na warang kompletong impormasyon sa packaging.
Posible suboot na malantad sa mapanganib na kemikal an mga aki huli sa mga produktong dai nag-agi sa tamang pagsusuri asin pag-apruba kan mga kinauukulan na ahensya.
Duon ni Dizon, pagbalgar ini sa Toy and Game Safety Labeling Act o Republic Act 10620 na nagtatakda nin mga pamantayan sa kaligtasan asin tamang paglaag nin impormasyon sa mga kawatan.
Hinimok niya an Food and Drug Administration, Department of Trade and Industry asin mga lokal na gobyerno na magsagibo nin inspeksyon asin kumpiskaron an mga kawatan na dai nagsusunod sa itinakdang pamantayan.
Pinayuhan man niya an mga magurang na dai magpadara sa baratong presyo asin siguruhon na kompleto an product information asin igwang FDA License to Operate number an mga produktong babakalon para sa saindang mga aki.










