LEGAZPI CITY-Pignegaran kan Philippine National Police o PNP an pangapudang naggamit nin “shoot-to-kill” approach sa pagpapaotob kan mandamiento de aresto laban kay Senador Ronald “Bato” Dela Rosa.
Segun ki PNP chief General Jose Melencio Nartatez Jr., obheto nindang ipaotob an ley asin dae maghiro na igwang pagbayolar digdi.
Tinawan doon man niyang dapat sunudon sa gabos na operasyon an due process, direchos humanos asin an rule of law.
Kasunod ini kan pagkalat kan mga pekeng quote card sa social media na nag-aangking nangapudan si Cagayan de Oro Rep. Lordan Suan nin “shoot-to-kill” laban sa senador.
Itinanggi man ini ni Suan asin sinabing wara siyang pahayag na arog kaini.
Mientras tanto, ipigsugo ni Nartatez sa mga police unit na ipagpadagos an intelligence gathering asin monitoring ngani matukoy an
lokasyon ni Dela Rosa, na nahahampang ngonian sa warrant of arrest katakod kan kasong crimes against humanity sa ICC.
May nakatagamang 50-milyong pisong pabuya para sa impormasyon ngani maaresto an senador.
