LEGAZPI CITY—Preparado an personahes kan kapulisan kan provincia nin Sorsogon na i-deploy sa Albay en kaso liwat na maglala pa an aktibidad kan bulkang Mayon.
Segun ki Sorsogon Police Provincial Office Provincial Spokesperson Police Major Arwin Destacamento, sa intrevista kan Bombo Radyo Legazpi, may naka-standby sindang personnel para sa pagresponde anuman oras na kinakaipuhan nin tabang kan Albay sa pag-alburoto kan nasabing bulkan.
Pighayag man kaini na dati na sindang nagpapadara nin personnel tuyong may aktibidad an bulkang Mayon na magagamit bilang pagtaong seguridad, pagresponde, o pagdistribuir nin relief goods.
Mensahe man kaini sa mga Albayano na sunudon an mga abiso kan mga otoridad para sa saindang kaligtasan.
Mientrastanto, naka-preposition man an saindang personahes en kaso na mag-alburoto an bulkang Bulusan sa saindang provincia
