LEGAZPI CITY-Nasayang an darakulang dakop nin ‘Lawlaw’ sa Bulan fish port, sa banwaan kan Sorsogon, makalihis an temporamenteng pagsarado kan mga fish processing factory.
Segun kay Bulan Local Government Unit Municipal Councilor Recto Valeriano, sa intrevista kan Bombo Radyo Legazpi, na panduwang beses na ining nangyari huli sa problema sa booking kan mga sardines company kun kaya nagkakaigwa nin oversupply.
Dagdag pa kan opisyal, huli digdi enkaso warang booking asin dai ma-accomodate kan fish dealer, pigtatapok na sana ini kan mga parasisira sa laot.
Buminagsak man suboot an presyo kaini na nagpakol poon P50 hasta P100 huli sa kawaran nin booking.
Nagkapira man sa mga fish dealer an nagtatao suboot nin ‘Ingreso’ o cash money ngani makauli sana nin may kwarta, alagad an ibang warang permananenteng darahan kan saindang dakop, napipiritan na ibalik an mga sira sa kadagatan.
Sinabi man kan opisyal na tulong 10-wheeler truck an kaya sana kan tracking kun kaya na-dedelay an pagtatao nin booking asin an quota kaini nasa 15-20 trucks.
Pigkakarkulong nasa 500,000 kilos suboot an nasayang na mga lawlaw, sa haros sarong milyon na nag-aabot sa Bulan Fish Port sa sarong aldaw.
Sa presente, nagsasagibo na nin contingency plan an mga manlain-lain na ahensya ngani malinig an mga nagkalat na sira sa dalampasigan sa lugar.
Hihigotan na man suboot an an mga parasisirang hale sa ibang banwaan na warang permit to operate asin permit to fish sa nasabing area.
