LEGAZPI CITY—Kalaboso an Rank No. 8 Regional Most Wanted Person sa Bicol Region sa bisa nin warrant of arrest katakod kan tulong bilang nin kasong pagbalgar sa Republic Act 8353 o Anti-Rape Law.
Binisto an naarestar na si Alyas “Tanoy”, 56-anyos, sarong tricycle driver.
Naaarestar ini sa Sorsogon City na pinangenot kan Sorsogon Police Provincial Office Provincial Intelligence Unit, Sorsogon City Police Station, Regional Intelligence Unit 5– Provincial Intelligence Team Sorsogon, Sorsogon 1st Provincial Mobile Force Company, asin 504th Regional Mobile Force Battalion 5.
Ginibo an pag-arestar sa bisa kan warrant of arrest na iniluwas kan Setyembre 17, 2026 kun saen wara ining pigrerekomendang piyansa para sa mga nasabing kaso.
Presente ining nasa Sorsogon CPS para sa magkakanigong disposisyon.
