LEGAZPI CITY- Matoninong an nagin pagselebrar kan Undas 2026 sa probinsya nin Sorsogon.
Segun kay PLTCOL Arwin Destacamento kan Sorsogon Police Provincial Office, sa intrevista kan Bombo Radyo Legazpi, dai nakarehistro nin anuman na insidente manungod sa selebrasyon kan Undas.
Nagbunga suboot an paghingoa kan mga security personnel, iba pang ahensya, asin suporta kan LGU kan kada munisipyo asin kan provincial government kan Sorsogon.
Sa parte kan Pilar, sarong driver an nakaturog asin naaksidente kan hapon kan Oktubre 31 huli sa sobrang kapagalan mantang nagmamaneho hali sa Manila pasiring sa Mindanao, alagad stable na an kamugtakan kaini.
Marahay man an management kan mga biyahero sa Matnog port kun sain bastante an mga barko hali Allen pasiring Matnog asin dai na nagkahalawig an pila kan mga behikulo sa Philippine Ports Authority (PPA).
Hasta kasuodma na All Souls Day, nadadagdagan pa an mga nagbisita sa mga kamposanto alagad diit na sana ini kumpara kan Lunes.
Padagos na naka-alert status an kapulisan hasta ngonian na aldaw na igwang motorist assistance centers sa kahalabaan kan highway hali Barcelona sagkod Pilar para giyahan an mga biyahero na mabalik sa saindang trabaho.
