LEGAZPI CITY– Ipinaglatag na kan Sorsogon Police Provincial Office (PPO) an saindang mga preparasyon sa seguridad para sa maabot na pag-obserbar kan Undas.
Segun ki PLTCOL Arwin Destacamento, PIO kan Sorsogon PPO, sa intrevista kan Bombo Radyo Legazpi, sarong pagtiripon an ginibo kan Martes, Oktubre 27, kaibahan an manlaen-laen na ahensya arog kan Philippine Army, Bureau of Fire Protection, Philippine Coast Guard, Red Cross, asin an Municipal Disaster Reduction Risk Management Offices kan lambang munisipyo.
Sinabi niya na an Philippine National Police (PNP) ma-deploy nin 825 na pulis sa mga sementeryo, simbahan, mall, transport terminal, seaport, asin tourist destinations sa bilog na probinsya.
Sarong Motorist Assistance Desk man an itutugdok sa boundary kan Pilar, Sorsogon, na kumpleto nin mga personahes hale sa PNP, BFP, PCG, Department of Public Works and Highways (DPWH), asin health unit, tanganing maseguro an marikas na pagresponde kun magkaigwa nin emerhensya.
Nagpagirumdom man si PLTCOL Destacamento sa mga biyahero na siguraduhon na nasa marhay na kondisyon an saindang mga lunadan asin iwalat an saindang mga harong sa pangangataman kan pinagtitiwalaan bago maglarga.
Inabisuhan man kaini an publiko na tawan nin atensyon an mga hotline number para sa mga police station sa Sorsogon o mag-apod sa Unified 911 emergency hotline enkaso mangyari an anuman na untoward incident.
