Plano kan sarong Chinese company na magtindog nin mga windmill sa dagat kan Pilipinas na kayang makayanan an makukusog na bagyo tanganing makatabang sa pagkakaigwa nin mas matatag na suplay nin kuryente.

Tinalakay ni Pangulong Ferdinand Marcos Jr. an proyekto kaiba an mga opisyal kan Ming Yang Smart Energy Group sa Shenzhen, China kan Biyernes sa sidelines kan APEC Summit.

Segun sa kumpanya, an saindang mga wind turbine igwa nin teknolohiya na kayang makahaloy sa kusog kan super typhoons na lampas sa Category 17.

Nilagdaan man kan duwang panig an kasunduan para sa pagtatabangan sa pagpapauswag kan mga offshore wind energy project sa nasyon.

Kabali sa plano kan kumpanya an pagtindog nin sentro para sa maintenance asin pagkukumpuni kan mga windmill sa Pilipinas.

Katuyuhan kaini na mas maparikas an serbisyo asin mamantenir an marhay na operasyon kan mga pasilidad.

Piglalaoman na makakatabang an proyekto sa pagpapahewas kan malinig na enerhiya sa nasyon.

Makakatabang man ini sa pagkakaigwa nin mas maaasahang suplay nin kuryente sa nasyon.

Segun ki Marcos, makakatabang an mga arog kaining proyekto sa pagpapakusog kan lokal na industriya asin sa pagmukna nin mas dakol na trabaho para sa mga Pilipino.