Overseas Filipino Workers in The Netherlands support the planned zero remittance protest following the arrest of FPRRD.

Nangapodan si Parañaque 2nd District Representative Brian Yamsuan sa Kongreso na padaliun an pagpasa kan propuestong ley na maglilimita sa halangkaw na bayadan sa kwartang ipinapadara kan mga Overseas Filipino Workers (OFWs) sa saindang pamilya.

Segun ki Yamsuan, dakulang tabang an pagbaba kan remittance fees tanganing mas dakol na kwarta an makaabot sa mga pamilya kan OFWs, orog na ngonyan na padagos an paglangkaw kan presyo kan mga pangenot na barakalon.

Basado sa report kan World Bank, minaabot sa 6.36% an pankaraniwang bayadan sa pagpapadara nin kwarta sa bilog na kinaban, mantang mas halangkaw pa ini sa mga bangko na igwang average na 14.99%.

Isinumite ni Yamsuan an House Bill No. 8615 o OFWs Remittance Protection Act, na nagtutuyong magbugtak nin mas hababang bayadan asin pugulan an mga nakatagong singil sa mga remittance service provider.

Inaatasan man kan propuesto an Department of Finance, Bangko Sentral ng Pilipinas asin Department of Migrant Workers na pangasiwaan an mga bayadan, na igwangaan na padusa na pagkakakulong asin multa na P50,000 hasta P750,000 sa mga magbalgar.