LEGAZPI CITY- Nagpagirumdom an Bangko Sentral ng Pilipinas (BSP) sa publiko na maging mapagpatyag sa mga pekeng kwarta.
Ini an katakod kan nagdadangadang na holiday season, kun sain pinag-aantisiparan an posibleng langkaban na scam o paglakop nin pekeng peso bills.
Segun ki BSP South Luzon Regional Office Director Atty. Tomas Cariño Jr. na pirmihan man an pagpapagirumdom kan ahensya sa publiko na surion nin marhay an mga kwarta na saindang nareresibe.
Sinabi kan opisyal na dapat na regular na i-check an security features kan peso bill ngani na maibitaran na mabiktima nin pekeng kwarta.
Marurumduman kaya na komon na sa holiday season an paglakop kan mga siring na counterfeit na kwarta.
