Pighayag kan Bangko Sentral ng Pilipinas na posibleng umabot sa 5.6% hanggang 6.4% an inflation para sa bulan kan Abril sa presenteng tao.
Marurumduman na nagrikas an inflation sa nacion huli sa paglangkaw kan kantidad kan produktong petrolyo, pagkain, asin halangkaw na singil sa kuryente.
Naglala pa an sitwasyon huli sa pagluya kan piso kontra dolyar.
Sa ibong kaini, pinaglalaoman an posibleng pagbaba sa presyo kan gulay asin prutas ngani na mapugulan an inflation.
Padagos man an monitoring kan BSP sa sitwasyon sa pang kinaban na merkado, kaibanan na an sitwasyon sa Middle East, na posibleng maka apektar sa inflation asin ekonomiya kan nacion.
