League of Municipalities of the Philippines (LMP) Albay Chapter

Nagkasundo an League of Municipalities of the Philippines (LMP) asin Department of Budget and Management (DBM) na magkaigwa nin patas na pagsusuri sa mga lokal na gobyerno na apektado kan Fiscal Year 2026 guidelines para sa Collective Negotiation Agreement (CNA) Incentive.

Kasunod ini kan dayalogo kan LMP asin DBM Secretary Kim Robert C. De Leon manungod sa paghatid kan mga alkalde na posibleng mawaran nin insentibo an mga empleyado kan munisipalidad huli sa pagkaantala kan mga proyekto asin iba pang sitwasyon na dai kontrolado kan lokal na gobyerno.

Sa irarom kan kasunduan, tutugutan an mga apektadong LGU na magpaliwanag sa mga rason kan pagkaantala kan saindang mga proyekto asin magsumite nin mga dokumentong magpapatotoo sa saindang sitwasyon.

Pigdoon kan LMP na importante na mamantenir an paninimbagan sa paggamit nin pondo kan banwaan, alagad dai dapat mapadusahan an mga kawani huli sa mga problemang wara sindang kontrol.

Pinamamayuhan an LMP ni Mayor Faustino “Inno” Arcega Dy V kan Echague, Isabela, na nagsisirbe bilang National President kan organisasyon para sa 2025–2028 term.