LEGAZPI CITY-Nagsangat nin sarong resolusyon sa Senado an limang senador na naghihikayat kay Senador Ronald “Bato” dela Rosa na boluntaryong sumuko na sa mga otoridad asin magsairarom sa tamang proseso kan ley kasunod kan warrant of arrest na ipinaluwas laban saiya kan International Criminal Court (ICC).
An Senate Resolution No. 395, isinangat nina Senador Francis “Kiko” Pangilinan, Vicente “Tito” Sotto III, Panfilo Lacson, Risa Hontiveros, asin Bam Aquino.
Mientras tanto, nagtetenir na nasa Senado si dela Rosa sa irarom kan protective custody.
Marurumduman na kan Lunes, Mayo 11, inilaag si dela Rosa sa protective custody kan Senado sa irarom kan bagong liderato ni Senate President Alan Peter Cayetano.
Sa resolusyon, sinabi kan mga senador na mantang igwang mga kapangyarihan asin pribilehiyo an Mataas na Kapulungan kan Kongreso sa irarom kan Konstitusyon, dai kaini pigtutugutan an Senado na magserbing sanctuary o magtao nin immunity sa pag-aresto sa sisay man na miyembro kaini.
Ipinaliwanag din nila na ang tanging immunity na ibinibigay ng Konstitusyon sa mga senador ay limitado lamang sa mga kasong may parusang hindi hihigit sa anim na taong pagkakakulong habang nasa sesyon ang Kongreso.
Dagdag pa kaini na warang probisyon sa Konstitusyon o sa Senate Rules na nagtataong kapangyarihan sa Senado ngani magkaigwa nin “protective custody,”, institutional refuge, o immunity laban sa lawful arrest o surrender process.
Tinwan doon man kan mga senador na sa mga nakalihis na kaso na kinaimbueltuhan kan mga dating senador arog ni Juan Ponce Enrile, Leila de Lima, asin Antonio Trillanes IV, pigrerespeto kan Senado an judicial process.
Obheto kan nasabing resolusyon na iparumdom na warang constitutional o statutory authority an Senado ngani magtao nin proteksyon laban sa lawful arrest o judicial proceedings.
