LEGAZPI CITY-Ipigheras ni Arriane Lisay, an Top 8 sa nakalihis na Licensure Examination for Professional Teachers March 2026 an saiyang journey ngani maabot an saiyang pangarap na maging Licensed Professional Teacher.
Segun kay Arriane, sa ekslusibong intrevista kan Bombo Radyo Legazpi na maogma saiya huli ta nakalaog siya sa Top 10 mantang wish niya sana an makapasar.
Dugang pa niya na dai niya piglalaoman ini huli ta nadifisilan man siya durante kan exam.
Nagpapasalamat man si Arriane sa Panginoon huli ta nakapasar siya asin kabale sa Top 10.
Pag-istorya niya na ginamit niya an manlain-lain na materials hale sa Internet na nagin epektibo para sa saiyang learning style.
Nag-focus man siya sa pag-rereview asin ngonian nagkaigwa na siya nin trabaho.
Sinabi pa ni Arriane na pangarap niya an kursong ini kaya iyo an kinuwa niya sa kolehiyo.
Nagin inspirasyon man niya an saiyang pamilya, orog na sa pagkuwa kan lisensya asin mas kadakol pang success sa masunod na taon.
