Matrayumpong naisagibo kan Bombo Radyo Philippines ang Dugong Bombo 2026 na “A Little Pain, A Life to Gain,” ang taunang pambansang blood donation drive sa pakikipagtabangan kan Bombo Radyo Philippines Foundation, Inc. asin Philippine Red Cross.
Sabay-sabay na ginibo an bloodletting activity sa manlaeng laeng parte kan nacion kan Sabado, Nobyembre 14, 2026, kun sain nakalap an kabilogang 1,964,250 cubic centimeters o cc kan dugo hale sa 4,365 matagumpay na blood donors sa bilog na Pilipinas.
Ini an katumpad kan haros 1,964 litro, 518 galon o haros 10 drum nin dugo na makakatabang sa pagpapalangkaw nin suplay kan mga blood bank sa manlaen-laeng ospital sa nacion.
Mawot kan Bombo Radyo Philippines na ipahayag ang pasasalamat kaini sa gabos kan matrayumpo na nagdonar nin dugo, pati na man sa mga nagparehistro alagad dae nakapagpadagos huli dae sinda nakapasar sa mga kiankaipuhang medical screening.
Pinasalamatan man kan manhamiento an gabos kan mga kasosyong organisasyon kaini, mga local government unit, mga civic asin community organizations, mga volunteers asin iba pang grupo na nagtao nin suporta nganing magin matrayumpo an nasabing aktibidad.
An nakolektang dugo an makakatabang sa pagpapalangkaw kan suplay sa mga blood bank, lalo na sa tahaw kan mga pangangaipuhan kan mga pasyenteng nangangaipuhan nin pagsasalin nin dugo asin serbisyong medikal.
Tinawan-doon kan Bombo Radyo Philippines na ang Dugong Bombo an bako sana sarong blood donation drive huli pigpahuling kaini an diwa kan pakidumamay, pagkabukas-palad, asin kabayanihan sa mga Pilipino.
Bilang pasasalamat, ang matrayumpo na mga blood donor an tinawan nin Dugong Bombo T-shirt, hot meals, vitamins, snacks asin refreshments.
Sa gabos kan nag-donar, nakisumaro asin nagboluntaryo asin kampanya, dakulang salamat huli saindo, nagin matrayumpo an Dugong BOMBO 2026.
“DUGONG BOMBO 2026: A LITTLE PAIN, A LIFE TO GAIN.”
BASTA RADYO… BOMBO!
