LEGAZPI CITY-Nakaeksperyensya an Milwaukee Bucks nin 12 pagkadaog sa pagpopoon kan season makalihis pataubon kan Orlando Magic, 107 – 99.
Dae nahabol kan Bucks an 15-point sa 1st-half lead kan Magic sa ibong kan strong 2nd-half performance kan koponan, asin tuluyang dinanas an 8-point loss sa pagtatapos kan kawat.
Nasayang an 14-11 double-double ni Bucks center Myles Turner, kaiba an 22 points kan bagitong reserve na si Jaime Jaquez Jr., huli ta pawang negatibo an performance kan mga player sa Milwaukee.
Liwat na nakagibo nin 35-point performance an bagitong Magic forward na si Franz Wagner hale sa 13 field goals na saiyang nai-shoot.
Nakagibo man siya nin 12 assists asin siyam na rebounds sa laog nin 36 mins na pagkakawat.
Afuera kay Wagner, magayon man an ipinahiling kan guard na si Desmond Bane makalihis siyang kumamada nin 21 points.
An 18 points digdi, hale sa anom na 3-pointers na saiyang nai-shoot.
Nagin malamiya man an performance kan Bucks asin dae ini nakahanap nin pantapat sa irarom kan paint, kaya sa laog nin 48 mins, alagad solamenteng 26 points sana an nagibo kan koponan digdi.
Sinamantala man kan Magic an kadakol na turnover kan Bucks ngani kumamada nin dakol na puntos, kaiba an marikas na transition offense.
Nagseserbing saro sa pinakakulelat na team an Bucks sa pagpoon kan season, kun sain kapot ninda an 1-12 na win-loss record mantang 5-7 na kartada naman para sa Orlando.
