LEGAZPI CITY-Ipigheras kan sarong 19-anyos na first time donor an saiyang nagin eskperyensya bilang parte kan Dugong Bombo 2026.
Segun kay Russel Atun, intrevista kan Bombo Radyo Legazpi na nakisumaro siya sa aktibidad huli sa Lolo kan saiyang pinsana na ngonian nasa ospital.
Huli digdi, naisipan niyang magdonar nin dugo ngani makatabang sa kapwa, siring man mabenipisyuhan an saiyang marhay na salud.
Pig-enganyar man niya an iba na mawot mag-donar na makisumaro sa programa ngani makapagsalbar nin buhay.
Bilang first time donor, payo niya sa iba na dae mahadit, asin dae magduwang isip na magdonar para sa ikakarahay kan kapwa.
