LEGAZPI CITY-Ipigheras kan sarong donor nin dugo na haros taon-taon niyang pigsasagibo ini asin ngonian sa paagi kan Dugong Bombo 2026.
Segun ki Daraga Fire Station Fire Officer 2 Arvin Clark Martinez, sa intrevista kan Bombo Radyo Legazpi na poon pa kan taong 2016, naisipan na niyang magdonar nin dugo ngani makatabang sa mga nangangaipohan.
Pag-istorya niya, nagpoon siya ka trainee pa sana kan BFP asin nagpadagos ini hasta ngonian na taon.
Pigsasagibo suboot niya ini bilang tabang sa kapwa asin makadugang sa suplay nin dugo sa komunidad.
Pig-enganyar man niya an publiko na makisumaro sa mga bloodletting program arog kan Dugong Bombo 2026 ngani maski papano an makatabang sa iba.
