LEGAZPI CITY — Ipiglatag na kan Legazpi City an mga plano sa ipapagibong permanent evacuation center na kayang i-accomodate an hasta 18,000 na residenteng maaapektaran enkaso liwat na magkaigwa nin aktibidad an Bulkang Mayon.
Sa intrevista kan Bombo Radyo Legazpi kay Mayor Noel Rosal, nagkapirang lehislador an nagtagama nin P100 million para sa pagpupuon nin pasilidad na ilalaag sa daga sa Brgy. Homapon na nasa 30 ektarya.
Katakod man kan dakulang populasyon sa syudad, target an hali sa 500 hasta 1000 rooms kun sain apat na pamilya an magtetenir sa kada room.
Sa ibong na lado, magagamit man suboot an pasilidad bako sana sa panahon kan kalamidad huli ta maserbi ining training ground para sa mga atleta kan ciudad.
Pighihiling man suboot sa nasambitan na lakdang an ‘perception of strength’ kan lokal na gobyerno huli ta dae na makaka apektar pa sa ibang sektor urog na sa edukasyon enkaso maitindog na an pasilidad.
Mientrastanto, mismong an Ako-Bicol Partylist (AKB) suboot an masunad kan nasambitan na budget sa Kongreso kasabay kan General Appropriations Act para sa masunod na taon.
