LEGAZPI CITY-Pighahanda na an mga evacuation center para sa mga residente kan Barangay Mi-isi sa banwaan kan Daraga Albay bilang preparasyon enkaso igwang pag-uuran huli sa posibleng huma kan lahar flow.
Segun ki Punong Barangay Kap Nonito Alemania, sa intrevista kan Bombo Radyo Legazpi na enkaso igwang aktibidad an Bulkang Mayon, tulos na ipapaotob an forced evacuation.
Sa presente, kalmado man suboot an Bulkan alagad preparado na an saindang barangay para e-ebakwar asin igwa na nin mga designated na evacuation center.
Sa ngonian, segun sa opisyal bastante pa an pondo kan barangay asin posible man sindang makapag hatod nin asistensya enkaso ipaotob an state of calamity.
Nasa 1,335 na indibidwal an apektado ngonian sa Barangay Mi-isi o katumpad nin nasa 361 na pamily asin 270 na household.
Pagirumdom kan opisyal na mantang silensyo an Bulkang Mayon, pirmihang mag-ingat asin sietuhon an saindang mga seguridad
