LEGAZPI CITY-Nagbarewas an Department of Social Welfare and Development (DSWD) nin cash-for-work assistance sa Mayon displaced families sa ciudad kan Tabaco sa Albay.
Basado sa datos kan ahensya, nasa total 487 an mga Internally Displaced Persons (IDPs) na naapektaran kan liwat na aktibidad kan Bulkang Mayon.
Nagkondusir man sinda nin cash-for-work assistance kan Nobyembre 4, sa San Antonio Covered Court sa Tabaco City.
Nakaresibe an kada saro digdi nin nasa P5,005 bilang parte kan saindang pagpartisipar sa community-based activities, arog kan
street sweeping, debris removal, asin drainage clearing, na igwang katuyuhan na ibalik an kalinigan asin mapakarhay an kaligtasan kan saindang mga komunidad.
Pigsierto man ni DSWD Secretary Rex Gatchalian na padagos an saindang suporta sa mga Mayon-displaced families sa paagi kan pag-distribwir nin Family Food and Non-Food Items (FNFIs) asin mga inisyatiba.
Marurumduman na nairekord liwat an moderatong explosive eruption sa Bulkang Mayon kan Oktubre 30, 2026.
