LEGAZPI CITY–Nakagpagrehistro nin 9 volcanic earthquakes asin 1, 886 tonelada nin Sulfur Dioxide Flux an Bulkang Mayon sa bilog na magdamlag basado sa huring datos kan Phivolcs.
Susog pa sa datos, igwang katamtamang pagsingaw o “Plume” an bulkan na napapadpad sa timog-kanlurang parte kaini.
Nahiling man kan ahensya an paghuhubag kaini na igwang panandaliang pag-nipis sa parteng hilagang-silangan.
Sa ibong kaini, nagtetenir sa alert level 3 an status kan Bulkang Mayon.
Marurumduman na kansuudma, nanotaran an sarong bagong lava dome sa bunganga kan Bulkang Mayon, na posibleng magin senyales suboot kan pagtuga liwat kaini.
Sa presente padagos an pagbabantay kan ahensya sa aktibidad kan bulkan, asin inaabisuhan an publiko na magin alerto sa gabos na oras.
