Pormal na hinagad kan National Bureau of Investigation (NBI) sa Philippine National Police (PNP) na kanaselaron sa urog na madaling panahon an firearms license ni Senator Ronald dela Rosa.
Marurumduman na enot na hinagad kan pambansang pulisya na isurendir kan senador an nasa 118 registered firearms sa pinakaharaning hepatura kan pulis o sa NBI.
Basado sa surat na pirmado ni NBI Director Melvin Matibag na ipinadara ki PNP chief General Jose Nartatez Jr., posible suboot na malaag sa alanganin an law enforcement officers na maserbi kan warrant of arrest hali sa International Criminal Court, hasta sa nasa posisyon kan senador an nasabing mga armas.
Basado sa impormasyon, kaibanan sa mga rehistradong armas na nakapangaran ki dela Rosa an semi-automatic asin select-fire rifles, UZI submachine gun variants, high-powered .338 caliber rifles, battlefield-grade shotguns, asin handguns.
Marurumduman na nahahampang si Dela Rosa sa crimes against humanity sa International Criminal Court (ICC) katakod kan war on drugs sa irarom kan nakalihis na administrasyon.
