Kinumpirmar kan Department of Foreign Affairs (DFA) na maatendir si US President Donald Trump sa Association of Southeast Asian Nations (Asean)-US Special Summit sa Nobyembre 17.
An tulong aldaw na pagtitipon puon Nobyembre 15 hanggang 18 sa Philippine International Convention Center (PICC) sa Pasay City an madara sa mga Southeast Asian leaders asin dialogue partners nganing itukar an regional asin global challenges.
Pangengenotan ni Presidente Ferdinand Marcos Jr ang summit na mabukas sa aldaw nin Domingo asin digdi an pag-oolayan an Asean priorities kabale ang sitwasyon sa Myanmar.
Maorolay man an mga Asean leaders kaiba an mga lehislador, business representatives asin youth groups bilang parte kan summits.
Piglalaomang na maatendir an mga lider kan Vietnam, Cambodia, Brunei, Indonesia, Laos, Malaysia, Singapore, Thailand asin Timor-Leste.
Mantang ang Myanmar an irerepresentar kan director general kan Asean Affairs Department kan saindang Foreign Ministry.
Makikisumaro bilang Guest of the Chair ang mga lider kan Brazil asin Canada kaiba an saindang kinatawan sa International Monetary Fund.
Mapuon ang summits sa mga ASEAN dialogue partners sa Nobyembre 16 asin magpapadagos ini nin hasta Nobyembre 17 kaiba an Australia, China, India, Japan, New Zealand, South Korea, Russia, United Nations asin United States.
Segun pa sa sa DFA na ang nasabing pagtitipon an matao nin pagkakataon nganing liwat na maghigot an presenteng partnerships asin advance cooperation sa pinagkaisang regioanl asin global priorities sa Asean’ dialogue partners.
Ipapadara man kan New Zealand ang saindang deputy prime minister asin foreign minister mantang ang Russia an ipapadara an saindang foreign minister.
Sa Nobyembre 17 an pangengenotan ni Presidente Ferdinand Marcos Jr ang 29th Asean Plus Three Summit asin an 21st East Asia Summit kung saen itutukar an strategic, political asin economic issues.
