Ipigdoon kan House prosecution na dai bastante an testimonya kan testigo kan depensa ni Vice President Sara Duterte tanganing pabulaanan an findings kan forensic accounting expert na si Alexander Cabrera manungod sa pigtutubod na P817.87 milyon na unexplained wealth.
Segun ki Deputy Speaker Francisco Paolo Ortega V, eksperto sa forensic accounting si Cabrera asin naggamit ini nin mga espesyalisadong pamamaraan asin pagsusuri sa pagbilog kan saiyang findings. \
Kinuwestiyon man ni House prosecution spokesperson asin Lanao del Sur Rep. Zia Alonto Adiong an basehan ni Suzette Balucanag-Punay sa pagtutol sa pagsusuri ni Cabrera.
Sa impeachment trial, sinabi ni Punay na an estimate na igwa nin 20-percent interest si Duterte sa GenCorp, alagad kinumpirma niyang nakaresibe an bise presidente nin P2.14 milyon hale sa kumpanya poon 2022 hasta 2025 bilang balik-kapital suboot sa investment kaini sa sarong fast-food branch sa Davao City, alagad inamin niyang dai niya matukoy an orihinal na halaga kan investment ni Duterte asin wara man siyang maipapahiling na nakasurat na dokumento na magpapaliwanag sa nasabing transaksiyon.
Naenot nang ipigkonektar ni Cabrera ki Duterte an P212.63 milyon na pigtutubod na dai naideklarang kita hale sa GenCorp, na parte kan kabilogan na P817.87 milyon na sinasabing undeclared assets asin unexplained wealth, na padagos na pinagtatalunan kan depensa sa paglilitis sa natatadang Article II na impeachment charge laban ki Duterte.
