LEGAZPI CITY-Inihayag ni Senate Impeachment Court Presiding Officer Francis Escudero na an P6-milyon na property sa Matina, Davao City, na nakua ni Bise Presidente Sara Duterte kan Hulyo 2024, dai idineklarar sa saiyang 2025 Statement of Assets, Liabilities, and Net Worth (SALN).
Segun ki Escudero, nagluwas sa testimonya gikan sa Davao City Register of Deeds IV Atty. Kathy Florence Baldonado na nakua kan Bise Presidente an 379-square-meter na propriedad kan Hulyo 2, 2024.
Tinawan duon ni Escudero na naestablisar an authenticity kan mga SALN ni Duterte makalihis na akuon asin markahan bilang ebidensya kan mag-ibong na lado asin isumitir sa irarom kan panunumpa.
Dugang pa kaini, pig-eksamin kan impeachment court an mga deklarasyon kan Bise Presidente sa SALN alagad dae nakua an propriedad na pighahapot sa listahan kan mga deklaradong real properties.
Pigpresentar kan prosecution panel an evidencia manungod sa Article II kan impeachment complaint laban ki Duterte, na may kinaaraman sa suboot unexplained wealth—kabali na an mga alegasyon na dae lubos na nagdeklara nin assets sa SALN asin dae nag-divest sa nagkapirang negosyo, siring sa ipinagbubuot kan konstitusyon para sa Presidente asin Bise Presidente.
Wara pa nin pahayag an kampo ni Bise Presidente Sara Duterte manungod sa sinabi ni Escudero sa impeachment court hearing.
