LEGAZPI CITY-Ipapaotob giraray kan Senate Impeachment Court an Rule 18—an sub judice rule—sa gabos na artikulo kan impeachment na isinangat laban ki Bise Presidente Sara Duterte, kaiba na an mga dati nang binawi kan prosekusyon.
Sa bagong desisyon na ipinaluwas ngonian na aldaw, pigmanduan ni Presiding Officer Francis “Chiz” Escudero an gabos na partido na ibitaran an pagpaluwas nin impormasyon o paggibo nin mga pahayag sa publiko manungod sa merito kan arin man sa mga artikulo kan impeachment, magtenir man ining pending o binawi na.
Ini kasunod kan sarong manipestasyon na isinangat kan depensa kan Nobyembre 4, kun saen an kampo ni Duterte nag-asegurar na an Rule 18 dae dapat i-waive.
An rason suboot kaini dapat ining mamantenir nganing maprotehiran an integridad kan mga paglilitis asin an mga derichos konstitusyonal kan Bise Presidente.
Sa irarom kan Rule 18, an gabos na partido—kaiba an mga senator-judges, an prosekusyon, an grupo nin depensa, asin an saindang kanya-kanyang legal na abogado—pinagbabawal na magtao nin pampublikong komentaryo o magbuyagyag nin impormasyon manungod sa mga merito kan nagpapadagos na impeachment case.
Huli kaini, an korte nagpaluwas nin panibagong patanid na an siisay man na magbalga kan orden na ini, hahampangon an magkakanigong sanction, susog sa mga giya na itinao sa nakaaging desisyon.
