LEGAZPI CITY-Kinumpirma ni US President Donald Trump na wara muna suboot balak pa an Estados Unidos na pag-atake sa Iran.
Sinabi kan US President na nagkakaigwa na nin magayon na padumanan an negosasyon ngani tuluyang matapos an giyera sa Gitnang Silangan.
Dagdag pa kaini na sa presente nasa status quo muna an nasabing desisyon na pag-atake.
An komento ni Trump, nangyari makalihis matapos an pakikipag-olay niya sa prime minister kan Qatar.
An Qatar kaya an kaalyado kan Estados Unidos sa Gulf region asin haraning nacion kan Iran.
Naging pangenot na papel kan Qatar an pagiging mediator ngani tuluyang matapos an gera.
Paglilinaw naman ni Trump na pirmihang nakaandam o pig-aapod niyang “Lock and Loaded” sinda enkaso na magkaigwa nin mga pagbabago.
Marurumduman na nagbisita sa White House si Qatari Prime Minister Sheikh Mohammed bin Abdul Rahman Al Thani, kun sain nagin magayon suboot an pag-oolay kan duwang opisyal ngani tuluyang matapos na an gera sa Gitnang Silangan.
