Magpapaotob ang Philippine National Police (PNP) ng maximum tolerance sa mga masagibo nin kilos protesta kasabay kan 49th Asociation of Southeast Asian Nation (ASEAN) Summit.
Segun ki PNP chief General Jose Melencio Nartatez Jr, na handa sindang magsimbag sa anumang lakdang na pwedesir makaraot sa pagtitipon.
Inengganyar man kaini an protesters na sumunod sa apela kan Asean National Organizing Council’s security officials na kun pwedesir ipagpaliban na sana sa ibang aldaw an saindang kilos protesta.
Enot nang nag-anunsiyo an pirang progresibong grupo kaiba na an pirang transport group na masagibo sinda nin kilos protesta kasabay ng pagabot ni US President Donald Trump na maatendir man sa nasabing pagtitipon.
Kan Miyerkules, Nobyembre 11, isinagibo kan PNP ang ceremonial send-off kan mga security personnel na mataong seguridad sa mga VIP na maatendir sa pagtitipon.
Ang 49th ASEAN Summit na mapuon Nobyembre 15 hanggang 17 an aatendiran kan mga delegasyon hale sa 11 member states siringman sa mga dialogue partners na China, South Korea, Japan, US, Australia, New Zealand, India asin Canada.
