Kaibanan suboot sa mga posibleng ihampang na testigo kan House prosecution panel sa impeachment trial sa Senado kontra ki Vice President Sara Duterte an mga opisyal hali sa Anti-Money Laundering Council (AMLC), Office of the Ombudsman, Securities and Exchange Commission (SEC) asin National Bureau of Investigation (NBI).
Segun ki House Prosecutor asin Bicol Saro Party-list Representative Terry Ridon, importante an testimonya kan mga opisyal katakod kan alegasyon kan suboot unexplained wealth asin posibleng pagbayolar may kinaaraman sa Statement of Assets, Liabilities and Net worth (SALN).
Sinabi kan opisyal na pinag-aadalan pa kun isasabay an mga opisyal kan Bureau of Internal Revenue (BIR) bilang testigo katakod kan tax records ni Vice President Sara asin agom na si Atty. Mans Carpio.
Mientras tanto, afuera sa volunteer lawyers, makuwa man an prosecution panel nin financial experts, accountants, asin auditors ngani na mahiling an AMLC records asin SALN ngani na mas mapakusog pa an saindang ebidensya sa paglilitis.
