LEGAZPI CITY- Naibulsa kan swimmer na si Riley Maddeleign Alindogan an saro pang bulawan na medalya para sa Bicol region sa nagpapadagos na Palarong Pambansa 2026 sa Agusan del Sur.
Ini makalihis siyang mangibabaw sa 400-meter freestyle swimming event.
Si Alindogan an sarong Grade 6 student hali sa Schools Division Office kan Legazpi.
Napag-araman na ini an Palarong Pambansa debut kan nasabing atleta kaya memorable an saiyang pagkagana.
Katakod kaini, naglalaom an Bicol region na padagos na madudugangan an medalya na maibubulsa kan mga atleta hali sa rehiyon. © DepEd Bicol
