Inihayag kan Department of Justice na dae na ipigkokunsiderar an paglalaag nin patong sa payo ni Senator Ronald dela Rosa para sa siisay man na makakapagtukdo sa saiyang lokasyon.
Segun ki Justice Secretary Fredderick Vida, igwa nang impormasyon na nareresibe an mga otoridad na makakatabang sa saindang paghahanap.
Sa ibong kaini, padagos man an pangapudan kan opisyal ki dela Rosa, na bilang sarong lehislador asin dating hepe kan Philippine National Police na makipagtabangan na sana asin bistuhon an proseso kan ley.
Dugang pa ni Vida na nagpadara na sinda nin pormal na surat ki Atty. Jimmy Bondoc dapit sa pahayag kan abogado na may kinaaraman sa lokasyon kan senador.
