LEGAZPI CITY—Katakod kan napaparaning tag-uran, pighahandaan ngunyan kan Albay Provincial Veterinary Office an posibleng huma kan lahar flow sa mga inebakwar na mga hayop sa padagos na pag-alburoto kan bulkang Mayon.
Segun ki Albay Provincial Veterinary Officer Dr. Pancho Mella, sa intrevista kan Bombo Radyo Legazpi, liwat giraray nindang pig-validate an mga polling sites na presenteng pigtitiniran kan mga apektadong hayop sa kun ano an mga estado kaini pag-abot sa lahar.
Nakikipagkoordinar sinda sa Albay Public Safety and Emergency Management Office (APSEMO) para digdi, asin napag-araman na may nagkapirang polling sites an kinakapuhang ilipat huli sa pwedesir na tamaan kan uson tuyong tag-uran.
Makalihis an konsultasyon an makikipagkoordinar sinda sa mga lokal na gobierno para sa posibilidad na i-relocate an mga polling sites para sa kaligtasan kan mga atamang hayop.
Mientrastanto, nagkukundusir man an opisina nin veterinary missions para mga hayop na nasa polling sites, natawan nin cash for work kan gobierno an mga apektadong paraooma, asin natawan nin 10 kilo nin bagas an mga livestock raisers na tinamaan kan nakalihis na ashfall kan Mayo 2.
