LEGAZPI CITY – Sarong kotse an buminangga sa sarong harong sa kahalabaan kan Maharlika Highway na sakop kan Barangay San Rafael, Castilla, Sorsogon.
Segun ki Castilla Municipal Disaster Risk Reduction and Management Office (MDRRMO) head Edgar Ardales sa intrevista kan Bombo Radyo Legazpi na lugadan an kagsadiri kan harong mantang nakaligtas man an driver asin sakay kaini kan magresponde sinda sa nasabing insidente.
Susog sa saindang inisyal na paghapot hapot, nakaidlip an driver mantang nagmamaneho na nagin rason kun kaya nagduru-diretso ini sa kurbadang parte kan tinampo asin tinumbok an nasabing harong.
Maswerte suboot kun iisipon nagkataon na warang nagbabakal asin wara su ibang pamilya sa nasabing harong huli ta pwedesir na dakol an casualty an magigin resulta kan insidente.
Pigtaram pa kan opisyal na kalimitang nagigin marikas an mga pagmamaneho kan ibang driver huli sa pagigin dakula kan agihan kun kaya nakakadamay sinda sa mga marhay asin bako pasaway na driver.
Sa presente, ini na suboot an saindang ika-13 vehicular accident na nairehistro sa banwaan kan Castilla sa bulan nin Mayo asin nag-aaverage nin sarong aksidente kada aldaw an saindang narerespondehan.
Pakaraw man na suhestyon niya man na dapat urualdaw may eleksyon huli ta wara suboot na nagruluwas na tawo sa saindang mga harong kun kaya wara sindang nairehistrong aksidente sa saindang lugar kan nakaaging Mayo 12.
Pagirumdom ni Ardales sa mga driver na ibitaran an marikas na pagmamaneho huli ta makakauli man sana kita asin makaka-abot sa padudumanan maski mabantol an satuyang byahe.
 head Edgar Ardales in an interview with Bombo Radyo Legazpi, the owner of the house was injured while the driver and passenger survived when they responded to the incident.){kind=link}