LEGAZPI CITY-Pigsierto kan Philippine National Police (PNP) na magigin transparent asin maagi sa tamang procedural processes si dating Ako Bicol Partylist Representative Zaldy Co oras na makapalapg ini sa nacion.
Segun kay PNP Spokesperson asin Public Information Office (PIO) Chief PBGen. Randulf Tuano, na magpoon sa pag-abot ni Co sa Pilipinas sagkod sa saiyang mga booking procedures arog kan mga mugshots asin medical examination asin hanggang sa saiyang pag-atubang sa Sandiganbayan, ipapaotob kan pulisya an an saindang pagigin transparent.
Piglatag man ni Tuano an mga lakdang asin proseso na susunudon pag-abot kan dating kongresista, na mapuon sa Department of Foreign Affairs (DFA) para sa pag-turn over kay Co sa Department of the Interior and Local Government (DILG) asin dangan na dadarahon sa Criminal Investigation and Detection Group (CIDG) sa laog kan ng Camp Crame para sa booking procedures arog kan pagkuwa kan fingerprint, mugshot, medical asin physical examination bago darahon sa Sandiganbayan para sa return of warrant of arrest.
Sinabi pa kan tagapagtaram kan pulisya na mantang nasa kampo kan Department of Foreign Affairs an detalye, pigsugo ni PNP Chief PGen. Jose Melencio Nartatez Jr. na mag-andam sa mga posibleng senaryo sa pag-abot ni Co sa Philippine Airport.
Mientrastanto, katakod kaini, padagos an pakikipag-koordinar kan gobierno sa mga foreign counterparts ngani na masierto na mapapauli si Co sa lalong madaling panahon ngani hampangon an saiyang mga kaso asin matawan nin linaw isyu sa flood control scandal.
