LEGAZPI CITY-Naghampang sa International Criminal Court (ICC) an dating hepe kan sarong kulungan sa Libya na si Khaled Mohamed Ali El Hishri katakod kan mga alegasyon sa war crimes asin crimes against humanity, na nangyari suboot sa Mitiga prison poon 2015 hasta 2020.
Susog sa mga prosecutor, si El Hishri an pigtutubudang utak kan mga torture, sexual abuse, asin paggadan sa mga detainee sa nasabing pasilidad.
Kaiba na suboot sa mga biktima an mga kababaihan asin sarong 15-anyos na lalaki.
Sinabi kan prosekusyon na kadakol na preso an nagadan huli sa nasapar na “mistreating, sexually abusing, asin panggagadan sa mga detainees”
Obheto man kaini na aramon kun bastante an ebidensya ngani maidagos an full trial laban sa akusado.
Posibleng aprubahan kan mga hukom ang pagsasangat nin kaso, ibasura ini, o baguhon an mga paratang.
Afuera digdi, pig-negaran ni El Hishri an mga akusasyon saiya asin naghagad nin libertad.
Parte an kaso kan mas mahewas na imbestigasyon kan ICC sa mga krimen sa Libya kasunod kan 2011 uprising na nagpatalsik kay dating lider Muammar Gaddafi.
Mientrastanto, saro pang opisyal kan Libya na si Osama Almasri Najim an kaiba man sa mga pinaghahanap katakod kan parehong mga alegasyon nin pang-aabuso sa kulungan, alagad nagin kontrobersyal ini makalihis suboot na palayon kan mga otoridad sa Italya.
