Victims of the war on drugs condemned allegations that the government or communist groups funded their trip to attend the confirmation of charges hearing of former President Rodrigo Duterte at the International Criminal Court (ICC).

Uminabot na sa 8,320 an mga naidokumento na nagadan sa kampanya kontra droga o war on drugs kan administrasyon ni dating Pangulong Rodrigo Duterte poon 2016 hasta 2022.

Segun ki Carlos Conde, Truth Commission Commissioner, naglutaw sa saindang pag-aadal asin pakikipag-olay sa mga pamilya kan mga biktima an nagkapirang magkakaparehong pattern sa mga nangyaring paggadan.

Base sa paenot na report, nasa 96.6% kan mga nagadan an mga lalaki, mantang 60 an mga aki na kabali sa listahan, kun saen an pinakajoven sarong taon pa sana an edad.

Nairehistro man an mga paggadan sa 730 syudad asin banwaan sa nasyon, kun saen 56% kan mga nagadan hale sa Metro Manila asin Central Luzon.

Dae pa pighihiling na pinal an 8,320 huli ta padagos pang nangangalap asin nagbeberipika nin impormasyon an komisyon, asin piglalaoman man na makikibahagi an nagkapirang miyembro kan Philippine National Police sa mga truth-telling sessions.

Piglalaomang ilalahad an enot na report kan komisyon sa Nobyembre 23 sa Philippine Normal University sa Maynila, mantang nakatalaang magpoon sa Nobyembre 30 an paglilitis ki Duterte sa International Criminal Court (ICC) manungod sa kasong crimes against humanity.