Nagsasagibo an International Criminal Court o ICC nin paglilitis ki dating Presidente Rodrigo Duterte sa tigsararo na oras na hearing blocks, na may 30 minutong pahingalo sa pagultangan kan mga sesyon.
Ipigsasaalang alang kaya kan korte an edad asin medical condition kan dating presidente.
Sa ikalimang status conference kan nakalihbis na Nobyembre 2, sinabi ni Presiding Judge Joanna Korner na susunudon kan korte an rekomendasyon kan mga medical expert na bangaon sa mas halipot na sesyon an paglilitis.
Mapuon an pagdangog alas-5 nin hapon, oras sa Pilipinas, asin magtatapos alas-onse nin banggi kaibanan an mga nakatalaan na pahingalo.
Marurumduman na idineklarar kan ICC kan Oktubre na fit to stand trial si Duterte makalihis surion kan mga medical experts an saiyang kakayanan na sabuton an mga sakdal, sundan an mga ebidensya, asin makipag koordinar sa mga abogado.
Sa ibong kaini, pwedesir pang baguho an schedule mantang nagpapadagos an paglilitis.
Nahahampang si Duterte sa tulong counts nin crimes against humanity katakod kan suboot paggadan asin pagbalo na paggadan sa irarom kan saiyang war on drugs puon Nobyembre 2011 hanggang Marso 2019.
Nakatalaan na magpuon an saiyang paglilitis sa Nobyembre 30.
