Hinagad kan defense team ni dating Presidente Rodrigo Duterte sa International Criminal Court (ICC) na halion an duwang testigo kan prosekusyon sa listahan kaini makalihis iduon na an saindang pahayag an nakabase sana sa mga hearsay, asin mga impormasyon nakuwa hali sa media asin social media.
Sa sarong redacted request filing na ipinaluwas kan Nobyembre 9, pinatatanggal kan abogado ni Duterte na si Peter Haynes sa ICC Trial Chamber III an mga testigong tinukoy bilang P-1334 at P-1348, kun sain sinabi kaini na an duwa an haros wara sa nacion sa bilog na panahon na sakop kan Counts 2 asin 3 kan mga kaso.
Segun sa depensa, wara ni saro sa duwang testigo an igwang direktang personal na kaalaman sa mga naging desisyon asin operasyon kan panahon kan pamamayo kan daying presidente, partikular na sa mga alegasyon dapit sa suboot killing quotas, financial rewards, asin target lists na nagkokonektar man ki Senador Ronald “Bato” dela Rosa.
Tinawan duon ni Haynes na an salaysay kan mga testugo katakod kan nagkapirang insidente kan pagadan sa war on drugs an hali sana sa mga nabasa sa pahayagan o nadangog sa istorya kan ibang tawo, kaya wara ining bastante na probative value ngani na gamiton kontra sa saiyang kliyente.
Nahahampang si Duterte sa tulong counts nin crimes against humanity sa saiyang paglilitis sa ICC na mapuon sa Nobyembre 30, 2026, mantang wara pa man na ipinaluwas na desisyon an Trial Chamber III dapit sa nasabing mosyon kan depensa.
