LEGAZPI CITY- Kinumpirmar kan militar an presensya kan nagkapira nindang myembro sa mga barangay sa Sorsogon.
Sigon ki Col. Fernando Trinidad, commanding officer kan 903rd Infantry Brigade kan Philippine Army, totoong yaon an mga soldados huli ta dae man sinda pinagbawalan na magbisita sa mga ini.
Alagad maduon kaining pinahimutikan na nagtuturog sinda sa mga barangay hall, day care center asin iba pang pasilidad sa barangay.
Sinabi kaini na baad nag-ootik man sana an mga residentes na nagpapa-abot nin siring na sumbong huli ta an solamenteng tuyo man sana ninda sa pagbisita, iyo an ngani na i-beripika sa mga opisyales o mga residentes an dapit sa extortion activities kan New People’s Army (NPA) sa ibong kan unilateral ceasefire antes ini dagos na na-lift kan mag-inibong na lado.
Ineksplikar ni Trinidad na pinagbabawalan sindang magtinir sa mga nasambitan na pasilidad huli ta dae dapat madamay an mga sibilyan kun in kaso mag-atake an mga rebelde.
Tinawan duon man kaini na nagsunod sinda sa pig-anunsyar na unilateral ceasefire.
Mientrastanto, huli sa nangyaring engkwentro kan militar asin NPA, nagdeploy suboot nin mga soldados para sa pursuit operation an 903rd IB sa mga kataid na barangay kan Trece Martirez sa banwaan kan Casiguran sa parehong probinsya kun sain nagbungkaras an pinakaenot na bakbakan sa pagultanan kan duwang lado sa rehiyong Bicol.
