LEGAZPI CITY — Karsel an bagsak kan 21 persona makalihis an isinagibong magkasuway na anti-illegal fishing operations sa mga provincia kan Masbate asin Sorsogon.
Dakop sa kadagatang sakop kan Barangay asin Barangay Matabao sa banwaan kan Batuan sa Masbate an nasa 14 persona makalihis an isinagibong seaborne patrol operation kan pinagsaronmg elementos kan Fisheries Law Enforcement Team (FLET) asin Batuan Municipal Police.
Narekober sa mga ini an apat na bangka makalihis na mapag-araman warang magkakanigong dokumento an mga ini sa pagsisira sa teritoryo kan nasabing banwaan.
Pinagmulta man an mga nasabing persona nin tig-P500 huli sa pagbalgar sa Sec 10 kan Municipal Ordinance no. 033 series of 2003 sa Batuan.
Sa ibong na lado, arestado man kan Bantay Dagat asin kapulisan an pitong katawo makalihis na maaktuhan sa iligal na pagsisira sa kadagatang sakop kan Brgy. San Rafael, banwaan kan Bulan, Sorsogon kasabay kan pagkakarekober kan mga gamit kaini sa pagsisira asin sadit na fishing boat.
Dinara na sa nasabing hepatura an mga naarestar tangarig na kahampangon an kasong isasangat kontra sa mga ini.
